Хромосома
![](http://chped.net/https/upload.wikimedia.org/wikipedia/commons/thumb/9/9d/Human_female_metaphase_chromosomes.tif/lossy-page1-200px-Human_female_metaphase_chromosomes.tif.jpg)
![](http://chped.net/https/upload.wikimedia.org/wikipedia/commons/thumb/9/95/Meiosis_%28254_33%29.jpg/200px-Meiosis_%28254_33%29.jpg)
![](http://chped.net/https/upload.wikimedia.org/wikipedia/commons/thumb/6/6d/Zellsubstanz-Kern-Kerntheilung.jpg/200px-Zellsubstanz-Kern-Kerntheilung.jpg)
Хромосо́маш (ш.-ян. χρῶμα «басар» + σῶμα «дегӀ») — дукхагӀа мел бола тӀехьален хоам лелабу эукариотий оагилга тӀуман чура нуклеопротеиде элементаш. Сердалон микроскопа чу хромосомаш митоза е мейоза оагилга декъадаларгахьа мара къоастаелац. Ерригача хромосомай гулламах кариотип оал. Из хӀара Биологен кепий ши-ший хул.
Эукариотий хромосома дукхача генаех латтача цхьан геттара йӀаьхача ДНЦӀа молекулах хьахул. Хромосома эшаш йолча функционале элементаех я центромераи, теломераи репликацен инициацен тӀадами.
Термин оттаеча хана эукариоташкахьа белгалйоахача элементашта оттаяьяр, хӀаьта тӀехьарча хана нӀанкӀигай е фуса хромосомаш ювца баьннаб. Из бахьан долаш цун доккхагӀа дола маӀан «тӀехьален хоам лелабеш, кхоачашбеш, дӀай-хьай кхоачийташ йолаи нуклеина цӀалх шийгахь йолаи структура» аьнна увттаду. Эукариотий хромосомаш — тӀуман чу, митохондри чу, пластида чу ДНЦӀ йола структура. Прокариотий хромосомаш — тӀум йоаца оагилга чура ДНЦӀ йола структураш. Фусай хромосомаш — капсида лоаттаме йола ДНЦӀа е РНЦӀа молекула.